Թուրքիայում բողոքի ակցիաներ են սկսվել «KFC» և «Pizza Hut»-ի 200-ից ավել մասնաճյուղերի փակման պատճառով
Թուրքիայում դադարեցվել է ամերիկյան «KFC» և «Pizza Hut» արագ սննդի որոշ մասնաճյուղերի գործունեությունը։ Մասնավորապես փակվել է «KFC»-ի 283 և «Pizza Hut»-ի՝ 254 մասնաճյուղ։ Այս մասին տեղեկացնում է ermenihaber.am-ը։
Նշվում է, որ սննդի կետերի աշխատանքի դադարեցման պատճառը վերոնշյալ արագ սննի կետերի օպերատորի սնանկությունն է։ Այդ պատճառով շուրջ 7000 աշխատակից ազատվել է աշխատանքից և չի ստացել աշխատավարձ։ Նրանք բողոքի ակցիա են իրականացրել և պահանջել փոխհատուցում։
Բողոքի ակցիայի մասնակիցները նշել են, որ պատրաստվում են պայքար սկսել իրենց իրավունքները պաշտպանելու համար։ Աշխատակիցներից ոմանք նույնսիկ պատրաստվում են հանդիպել արհմիությունների և փաստաբանների հետ և հայց ներկայացնել դատարան:
