Հալիձորի ոլորաններում 40-ից ավելի մեքենաներ հայտնվել են ձնաբքի ու մերկասառույցի մեջ
Արտակարգ իրավիճակ է ստեղծվել Սյունիքի մարզում։ Shamshyan.com-ի հաղորդմամբ՝ Հալիձորի ոլորաններում փրկարարները ու պարեկները 40-ից ավելի ավտոմեքենաներ են դուրս բերել վտանգավոր հատվածից, քանի որ մեծ թվով ավտոմեքենաներ հայտնվում էին կամ մերկասառույցի կամ ձնաբքի մեջ ու ստիպված պարեկներն ու փրկարարները, մի մասը հրելով, մի մասը հատուկ ճոպանների միջոցով՝ իրենց ծառայողական մեքենաներով, այդ թվում 20-ից ավելի «Iveco», «Volvo», «Howo» մակնիշի բեռնատարները դուրս էին բերում ու քարշակած վիճակում մոտ 1 կմ տեղափոխում անվտանգ վայր։
