Թուրքիայի օդուժը հրթիռակոծել է Իրաքի քրդաբնակ գյուղերը
Թուրքիան շարունակում է օդային հարվածներ հասցնել Իրաքում գտնվող քուրդ զինյալների հենակետերին։ Անկարան նրանց համարում է ահաբեկչական ուժեր: Այս մասին տեղեկացնում է ermenihaber.am-ը։
Ըստ քրդական աղբյուրների հայտնած տեղեկությունների՝ Իրաքի Սուլեյմանիյե շրջանի քրդաբնակ գյուղերից մի քանիսը ենթարկվել են Թուրքիայի օդուժի հրթիռակոծմանը:
Որպես պատճառ առաջ է քաշվում այն հանգամանքը, որ տեղի քուրդ զինյալները լուրջ դիմադրություն են ցուցաբերել Թուրքիայի զինուժի դեմ մարտերում:
Աղբյուրը նշում է, որ զոհերի ու վիրավորների մասին առայժմ տեղեկություններ չկան:
