Հայտնաբերվել է կապ նախաճաշը բաց թողնելու և սրտի կաթվածի, ինսուլտի և սրտանոթային այլ հիվանդությունների ռիսկի միջև
Հայտնաբերվել է կապ նախաճաշը բաց թողնելու և սրտի կաթվածի, ինսուլտի և սրտանոթային այլ հիվանդությունների ռիսկի միջև: Այս մասին KP.RU-ի հետ զրույցում խոսել է սրտաբան, բժշկական գիտությունների թեկնածու Քսենիա Էրուսլանովան։
Ըստ shantnews-ի՝ բժիշկը բացատրել է, որ մարդիկ հաճախ բաց են թողնում նախաճաշը ժամանակի սղության կամ սթրեսի պատճառով։ Այն իրավիճակներում, երբ մարդը կանոնավոր կերպով բաց է թողնում սնվելն այս պատճառներով, աճում է կորտիզոլ հորմոնի արտադրությունը, որի ավելցուկով օրգանիզմում սկսվում է բորբոքային պրոցես և խթան հանդիսանում աթերոսկլերոտիկ վահանիկների աճի համար։
Այս երկու գործոններն էլ մեծացնում են ինսուլտի և սրտի կաթվածի վտանգը, զգուշացրել է Էրուսլանովան։
Միևնույն ժամանակ, ինչպես նշել է սրտաբանը, եթե մարդը գիտակցաբար հրաժարվում է առավոտյան նախաճաշից, քանի որ, օրինակ, հավատարիմ է ընդհատվող ծոմապահությանը, ապա այս իրավիճակը սթրեսային չի դառնա օրգանիզմի համար, հետևաբար նկարագրված մեխանիզմը չի գործի և հավանական է՝ սրտի և արյան անոթների հետ կապված խնդիրները չեն ավելանա: Չնայած դրան, Էրուսլանովան դեռ խորհուրդ է տվել բաց չթողնել նախաճաշը։
