Մակունցը պետք է փոխվի. ժամանակն է նրան հետ կանչել. Սարգսյան
Ամերիկագետ Սուրեն Սարգսյանը պնդում է՝ ԱՄՆ-ում ՀՀ դեսպան Լիլիթ Մակունցը պետք է փոխվի:
Այսօր լրագրողների հետ հանդիպմանը նա նշեց, որ ԱՄՆ նոր վարչակազմը կրում է նաև նոր արժեհամակարգ. «Պետք է հաշվի առնել, որ Մակունցն ակտիվ աշխատում էր դեմոկրատների հետ, այն ժամանակ, երբ հանրապետականներն ընդդիմություն էին, և այդ շփումները, ընտրությունների ժամանակ դեմոկրատներին աջակցությունը ակնհայտ էին:
Դեմոկրատները ՀՀ իշխանությունների կողմից ամենատարբեր խողովակներով աջակցություն էին ստանում. Դա հստակ կողմնակալություն էր՝ հօգուտ դեմոկրատների:
Կարծում եմ՝ Երևանին դեսպանը վստահեցրել է, որ Քամալա Հարիսի հաղթանակն անխուսափելի է, որն էլ հաշվի առնելով՝ Երևանում ինչ-որ քաղաքականություն են մշակել դեմոկրատների հետ աշխատելու տեսանկյունից: Դա տապալվել է, և «պլան Բ» այստեղ չկա, դրա համար կարծում եմ՝ հաշվի առնելով այն ընկալումը, որ Հայաստանի դեսպանը շատ ընդգծված դեմոկրատների հետ աշխատել է՝ ի տարբերություն հանրապետականների, ժամանակն է նրան հետ կանչել»:
Մանրամասները՝ տեսանյութում
