ՀՀ-ն չի պատրաստվում դուրս գալ ԵԱՏՄ-ից, դա ձեռնտու կառույց է. Ալեն Սիմոնյան
ՀՀ-ն չի պատրաստվում դուրս գալ Եվրասիական տնտեսական միությունից (ԵԱՏՄ), քանի որ այդ կազմակերպությունում մասնակցությունը տնտեսական օգուտներ է բերում։ Այս մասին այսօր լրագրողների հետ ճեպազրույցում հայտարարեց ՀՀ ԱԺ նախագահ Ալեն Սիմոնյանը։
«ԵԱՏՄ-ն տնտեսական առումով Հայաստանի համար ձեռնտու կառույց է, և մենք միտում չունենք ԵԱՏՄ-ն լքելու»,- նշեց Սիմոնյանը՝ հավելեո, որ ուզում են շարունակել շարունակել անդամակցությունը ԵԱՏՄ-ին։
Ըստ նրա՝ ԵՄ մուտք գործելու գործընթաց սկսելու որոշումը չպետք է Ռուսաստանի մոտ մտահոգություններ առաջացնի, չկա որևէ խնդիր, որ հայկական և ռուսական կողմերը չեն կարող իրար հետ քննարկել և լուծումներ գտնել։
Պատասխանելով հարցին՝ արդյոք Նիկոլ Փաշինյանը մասնակցելո՞ւ է ԵԱՏՄ նիստին, Սիմոնյանը ասաց` իր կարծիքով` ճիշտը մասնակցելն է։
