ՌԴ պետդումայի նախագահը հանդիպել է Վենեսուելայի նախագահի հետ
ՌԴ պետդումայի նախագահ Վյաչեսլավ Վոլոդինը հանդիպել է Վենեսուելայի նախագահի պաշտոնը ստանձնած Նիկոլաս Մադուրոյի հետ: Նա հանդիպման ժամանակ Մադուրոյին է փոխանցել ՌԴ նախագահ Վլադիմիր Պուտինի շնորհավորանքները: Ինչպես հաղորդում է «Ինտերֆաքս»-ը, այս մասին հայտնել է Պետդումայի մամուլի ծառայությունը:
Երրորդ ժամկետով Վենեսուելայի ղեկավար ընտրված Նիկոլաս Մադուրոյի երդմնակալության հանդիսավոր արարողությունը տեղի է ունեցել հունվարի 10-ին Վենեսուելայի մայրաքաղաք Կարակասում: ՌԴ նախագահ Վլադիմիր Պուտինի հանձնարարությամբ Վյաչեսլավ Վոլոդինը ներկայացրել է Ռուսաստանը Մադուրոյի պաշտոնը ստանձնելու արարողությանը: Պետդումայի նախագահը մասնակցել է նաև երդմնակալության հանդիսավոր շքերթին:
