Երևանում 2024-ին ապամոնտաժվել է ավելի քան 550 մեծ տեղեկատու դաշտով վահանակ և ինքնակամ տեղադրված շուրջ 15 000 արտաքին գովազդ
Երևանյան ինքնատիպ ճարտարապետությունը պահպանելու նպատակով 2024 թ. ընթացքում ապամոնտաժվել է ավելի քան 550 մեծ տեղեկատու դաշտով վահանակ ու ինքնակամ տեղադրված շուրջ 15 000 արտաքին գովազդ:
Երևանի քաղաքապետարանի նախաձեռնությամբ այս տարի տեղադրվել և թարմացվել են նաև փողոցների անունների և շենքերի հասցեների մասին հուշող ուղեցույց – ցուցանակները: 2024թ. մայրաքաղաքում տեղադրվել է նմանատիպ շուրջ 300 ցուցանակ:
Տների և շենքերի պատերին ամրացվող ցուցանակներն այս տարի փորձնական ծրագրով ընտրվել են երկու տեսակի:
Նախկինում տեղադրված թուջե ցուցանակներից բացի տեղադրվել են նաև նոր լուծումով՝ չգունաթափվող և ջերմադիմացկուն նյութից պատրաստվածներ:
Աշխատանքների նպատակը խնդրին միասնական լուծում տալն է:
