Ռուսաստանը որոշել է հաջորդ տարվա տավարի և թռչնի մսի ներմուծման քվոտաները
Ռուսաստանի կառավարությունը հաստատել է 2025 թվականի տավարի և թռչնի մսի ներմուծման քվոտաների չափերը, ինչպես նաև դրանց բաշխումն ըստ երկրների և մսի տեսակների։ ԵՏՀ-ն այս տարվա օգոստոսին որոշել է այս քվոտաների չափը ԵԱՏՄ բոլոր երկրների համար։
Ռուսաստանի քվոտան և դրա բաշխումն ըստ երկրների և տեսականու պահպանվել է նախորդ տարիների մակարդակով։ ՌԴ կառավարության որոշման համաձայն, 2025 թվականին Ռուսաստանի Դաշնություն տավարի մսի ներմուծման քվոտան կկազմի 570 հազար տոննա, այդ թվում՝ 40 հազար տոննան՝ թարմ և սառեցված։ Ընդ որում, թարմ և սառեցված մսի ներմուծման քվոտայի 29 հազար տոննան նախատեսված է ԵՄ երկրների, 11 հազար տոննան՝ այլ երկրների համար։
530 հազար տոննա սառեցված տավարի մսի քվոտան բաշխված է ԵՄ-ի և ԱՄՆ-ի (60 հազարական տոննա) և Կոստա Ռիկայի (3 հազար տոննա) միջև։ Մյուս երկրներին բաժին է ընկնում 407 հազար տոննա։
Թռչնամսի ներկրման քվոտան կկազմի 364 հազար տոննա, այդ թվում՝ 100 հազար տոննա աղացած թռչնամիս (որից 80 հազար տոննան՝ ԵՄ-ից մատակարարումների համար), 250 հազար տոննան՝ թռչնի կես կամ քառորդ կտորների, 14 հազար տոննան՝ հնդկահավի սառեցված մսի համար։
