Ծանրամարտի ԱԱ․ Հայաստանն այսօր ունի մեկ ներկայացուցիչ

Բահրեյնի մայրաքաղաք Մանամայում ընթացող ծանրամարտի աշխարհի առաջնությունում այսօր՝ դեկտեմբերի 13-ին Հայաստանը կունենա մեկ ներկայացուցիչ:

A ենթախմբում տղամարդկանց 102 կգ քաշայինների պայքարում մրցահարթակ դուրս կգա Եվրոպայի առաջնության փոխչեմպիոն Արա Աղայանը։

Մրցումային օրվա մեկնարկը՝ Երևանի ժամանակով 21։00-ին։

Նշենք, որ Հայաստանի տղամարդկանց հավաքականը դեռևս ոչ մի մեդալ չի նվաճել ընթացիկ աշխարհի առաջնությունում։