Սպիտակ տուն. ԱՄՆ-ն ուշադիր հետևում է Սիրիայի արտակարգ իրադարձություններին
ԱՄՆ նախագահ Ջո Բայդենը և նրա թիմը ուշադիր հետևում են Սիրիայում տեղի ունեցող արտակարգ իրադարձություններին, ասվում է ԱՄՆ Ազգային անվտանգության խորհրդի խոսնակ Շոն Սավետի հայտարարության մեջ։
«Նախագահ Բայդենը և նրա թիմը ուշադիր հետևում են Սիրիայի արտակարգ իրադարձություններին և մշտական կապի մեջ են տարածաշրջանային գործընկերների հետ», – ասվում է Սավետի հայտարարության մեջ:
Այսօր առավոտյան հայտնի է դարձել Դամասկոսը թուրքամետ ուժերին հանձնելու մասին։ Սիրիայի ներկայիս նախագահ Բաշար Ասադի իշխանությունն ընկել է։ Նրա գտնվելու վայրը հայտնի չէ։ Reuters-ի հաղորդմամբ, Ասադը հավանաբար զոհվել է ավիավթարի ժամանակ։
«Հայաթ Թահրիր ալ-Շամի» գլխավորած թուրքամետ խմբավորումների կայծակնային հարձակումը սկսվել էր նոյեմբերի վերջին։
