Հրաձիգ Էլմիրա Կարապետյանը՝ «Polish Open Kaliber» միջազգային մրցաշարի փոխչեմպիոն
Հայաստանի հրաձգության ֆեդերացիան հայտնում է, որ Լեհաստանի Բիալիստոկ քաղաքում ավարտվել է «Polish Open Kaliber» միջազգային մրցաշարը։ Տարվա վերջին ստուգատեսում փոխչեմպիոն է դարձել Էլմիրա Կարապետյանը։
10մ օդամղիչ ատրճանակ կանանց պայքարի որակավորման փուլում Կարապետյանը խոցել է 573 միավոր և 2-րդ տեղով անցել եզրափակիչ։ Եզրափակչում մեր մարզուհին 234,7 միավորով նվաճել է արծաթե մեդալ։
