Թուրքիային վրդովվեցրել է Կիպրոսի անդամակցության դիմումը ՆԱՏՕ-ին
Պաշտոնական Անկարան անընդունելի է համարել Կիպրոսի անդամակցության դիմումը ՆԱՏՕ-ին։ Այս մասին նշվել է Թուրքիայի պաշտպանության նախարարության հաղորդագրության մեջ։
Նշվել է, որ «այդ ուղղությամբ փորձը կխաթարի Կիպրոսի հարցում զգայուն հավասարակշռությունը և բացասաբար կանդրադառնա այդ հարցի լուծման գործընթացի վրա»։
«Թուրքիան, որպես ՆԱՏՕ-ի անդամ երկիր, հիշեցնում է, որ դաշինքի ընդլայնման որոշումներն ընդունվում են միաձայն և պնդում է, որ այդ գործընթացները պետք է իրականացվեն՝ հաշվի առնելով յուրաքանչյուր երկրի ազգային անվտանգության մտահոգությունները։ Առկա իրավիճակում Կիպրոսի անդամակցության դիմումը ՆԱՏՕ-ին Թուրքիայի կողմից անընդունելի զարգացում է»,- նշվել է հաղորդագրության մեջ։
