Ալիևը շնորհավորել է Թրամփին
Ադրբեջանի առաջնորդ Իլհամ Ալիևը շնորհավորական ուղերձ է հղել Դոնալդ Թրամփին ԱՄՆ նախագահի պաշտոնում ընտրվելու կապակցությամբ՝ հույս հայտնելով, որ նրա նախագահության օրոք կամրապնդվեն Ադրբեջանի և Միացյալ Նահանգների հարաբերությունները։
«Ադրբեջանը կշարունակի իր գործունեությունը Հարավային Կովկասում խաղաղության և անվտանգության ամրապնդման ուղղությամբ»,- իր ուղերձում գրել է Ալիևը։
Նա գոհունակություն է հայտնել հանրապետական առաջնորդի առաջին պաշտոնավարման օրոք Վաշինգտոնի և Բաքվի միջև համագործակցության առնչությամբ:
