Մոլդովայի նախագահական ընտրություններին մասնակցությունը գերազանցել է 52 տոկոսը
Մոլդովայի նախագահական ընտրություններին մասնակցությունը, Երևանի ժամանակով 21։00-ի տվյալներով, գերազանցել է 52%-ը, ասվում է Մոլդովայի Կենտրոնական ընտրական հանձնաժողովի կայքում։
Այսօր Մոլդովայում կայանում է նախագահական ընտրությունների երկրորդ փուլը։ Ընտրատեղամասերը կփակվեն Երևանի ժամանակով 23.00-ին:
Հոկտեմբերի 20-ին կայացած առաջին փուլում, նույն այս ժամին, քվեարկությանը մասնակցել էր ընտրողների ավելի քան 48,5%-ը։
Երկրորդ փուլին մասնակցում են երկրի նախագահ Մայա Սանդուն և նախկին գլխավոր դատախազ Ալեքսանդր Ստոյանոգլոն։
