Հութիները հայտարարել են Թել Ավիվին ԱԹՍ-ներով հարվածելու մասին
Եմենում «Անսար Ալլահ» խռովարար շարժումն անօդաչու թռչող սարքերով հարվածներ է հասցրել Թել Ավիվին, պնդում է հութիների զինվորական ներկայացուցիչ Յահյա Սարիան։ Այդ մասին տեղեկանում ենք ՏԱՍՍ գործակալությունից:
«Եմենի ռազմաօդային ուժերն իրականացրել են գործողություն՝ «Յաֆա» անօդաչու թռչող սարքերով գրոհելով օկուպացված Պաղեստինի տարածքում՝ Թել Ավիվում գտնվող կենսականորեն կարևոր օբյեկտը», – ասել է շարժման ներկայացուցիչը հութիներին պատկանող Al Masirah հեռուստաալիքի եթերում:
Իսրայելի պաշտպանության բանակը Թել Ավիվի վրա հարձակման մասին առայժմ որևէ տեղեկություն չի հաղորդել։
