Ինչպես հայտնաբերել ինֆարկտը վաղ փուլում
Սրտաբան, բժշկական գիտությունների թեկնածու Աննա Կորենևիչը YouTube-ի իր ալիքում խոսել է սրտի կաթվածը և ինսուլտը կանխելու եղանակի մասին, հաղորդում է РИА Новости գործակալությունը:
Ըստ բժշկի՝ դրա համար անհրաժեշտ է անցնել աթերոսկլերոզի հայտնաբերման հետազոտություններ և մի քանի անալիզներ հանձնել, որից հետո արդյունքները ցույց տալ սրտաբանին:
«Մենք, ցավոք, աղետալի իրավիճակ ունենք, և հիմնականում Երկիր մոլորակի վրա մարդիկ մահանում են սրտի կաթվածից և ինսուլտից: Նրանք մահանում են բոլորովին հանկարծակի, անսպասելիորեն կամ հիվանդանում են և դառնում հաշմանդամ»,- պարզաբանել է Կորենևիչը:
Բժիշկը նշել է, որ աթերոսկլերոզի ախտորոշման համար անպայման չէ սրտի ՄՌՏ անել: Հետազոտությունը պետք է ներառի հետևյալ պարզ քայլերը.
– ԷՍԳ հանգստի վիճակում,
– ԷՍԳ բեռվածության պայմաններում,
– սրտի, պարանոցի անոթների, ոտքերի զարկերակների, վահանաձև գեղձի, երիկամների, լյարդի ուլտրաձայնային հետազոտություն,
– Հոլտերի մոնիթորինգ,
– արյան կլինիկական անալիզ,
– մեզի ընդհանուր անալիզ,
– կենսաքիմիա:
Կորենևիչը շեշտել է, որ 40 տարեկանից հետո հարկավոր է պարբերաբար հետազոտվել: Անհրաժեշտ է նաև հետազոտվել համապատասխան ժառանգականության կամ սրտի հետ կապված բողոքների առկայության դեպքում:
