Լիբանանի հիվանդանոցները միացել են արտակարգ իրավիճակների ռեժիմին՝ փեյջերների դետոնացիայից հետո
Լիբանանի առողջապահության նախարարությունը երկրի բոլոր հիվանդանոցներին կոչ է արել առավելագույն տագնապի ռեժիմ սահմանել Բեյրութի հարավային արվարձաններում և երկրի այլ մասերում փեյջերների դետոնացիաների տասնյակ դեպքերից հետո։ Այդ մասին նշված է Լիբանանի առողջապահության նախարարության հայտարարության մեջ:
«Առողջապահության նախարարությունը երկրի տարբեր շրջանների հիվանդանոցներից պահանջում է անցնել արտակարգ զգոնության առավելագույն ռեժիմի և կոչ է անում բոլոր փեյջերների սեփականատերերին անհապաղ ազատվել սարքերից»,- ասված է հայտարարության մեջ։
Լիբանանի ժամանակավոր կառավարության վարչապետ Նաջիբ Միքաթին կառավարության նիստում երկրի տարբեր մասերից արտակարգ իրավիճակների մասին հաղորդումներ ստանալուց հետո առողջապահության նախարարից պահանջել է լքել նիստը և վերահսկել ենթակայության տակ գտնվող շտապ օգնության ծառայությունների աշխատանքը:
Փեյջերներն օգտագործել են նաև «Հըզբոլլահ» շարժման անդամները, որոնցից տասնյակները վիրավորվել են սարքերի դետոնացիայի հետևանքով։
Տուժածների թվում է նաև Լիբանանում Իրանի դեսպան՝ Մոջթաբա Ամանին։
