Ուկրաինական զորքերի հարձակման հետևանքով Կուրսկի մարզում 31 մարդ է զոհվել
Ուկրանայի զինված ուժերի հարձակման հետևանքով Ռուսաստանի Կուրսկի մարզում 31 մարդ է զոհվել։ Այս մասին հաղորդում է ՏԱՍՍ-ը՝ վկայակոչելով առողջապահական իշխանություններին։
«Օգոստոսի 21-ի առավոտվա դրությամբ Ուկրաինայի զինված ուժերի կողմից Կուրսկի մարզի վրա հարձակման հետևանքով հաստատվել է 31 հոգու մահը, 143 մարդ ստացել է տարբեր աստիճանի ծանրության վնասվածքներ։ Նրանցից 79 հոսպիտալացվել է, այդ թվում՝ 4 երեխա», – հայտնել է գործակալության զրուցակիցը։
Օգոստոսի 20-ին ՏԱՍՍ-ը հայտնել էր 17 զոհի, 140 վիրավորի մասին։
Ուկրաինական ուժերը Կուրսկի մարզ են ներխուժել օգոստոսի 6-ին։ Ուկրաինայի զինված ուժերի գլխավոր հրամանատար Ալեքսանդր Սիրսկին օգոստոսի 20-ին հայտարարել է, որ իրենց վերահսկողության տակ է գտնվում մարզի 93 բնակավայր և 1263 կմ տարածք։
