Ով է ՔՊ-ի նոր պատգամավորը
Ազգային ժողովում «Քաղաքացիական պայմանագիր» խմբակցության արդեն նախկին պատգամավոր Գուրգեն Արսենյանին կփոխարինի Արմենուհի Ղազարյանը։ Այդ մասին որոշում է կայացրել Կենտրոնական ընտրական հանձնաժողովն իր հերթական նիստի ժամանակ։
Նշենք, որ Արմենուհի Ղազարյանը «Nairi kindergarten»-ի հիմնադիր-տնօրենն է, համատեղությամբ նաև տնօրինում է Երևանի Շենգավիթ վարչական շրջանի Կորյուն Նիկողոսյանի անվան մանկապատանեկան արվեստի կենտրոն ՀՈԱԿ-ը։ Աշխատել է նաև որպես հայոց լեզվի և գրականության ուսուցիչ։
«ԱԺ «Քաղաքացիական պայմանագիր» կուսակցության ընտրական ցուցակից ընտրված և լիազորությունները վաղաժամկետ դադարած պատգամավորի մանդատը տրամադրվել է «Քաղաքացիական պայմանագիր» կուսակցության ընտրական ցուցակի առաջին մասի հերթական հաջորդ թեկնածու Արմենուհի Նշանի Ղազարյանին»,- ասված է ԿԸՀ որոշման մեջ։
Արմենուհի Ղազարյանը մադնատը վերցնելու մասին գրառում է արել նաև Արմենուհի Ղազարյանը։
«Հարգելի ընկերներ, ցանկանում եմ ձեզ տեղեկացնել,որ այսօր ԿԸՀ–ից ստացա իմ պատգամավորական մանդատը։ Գիտակցում եմ օրենսդիրում աշխատելու մեծ պատասխանատվությունս։ Քաղաքական թիմիս հետ պատրաստ եմ մասնակցելու երկրիս ու ժողովրդիս առջև ծառացած խնդիրների լուծմանը»,- գրել է նա։
