Բարսելոնայի նավահանգստում գրեթե 1,7 տոննա կոկաին են հայտնաբերել
Իսպանիայի քաղաքացիական գվարդիան Բարսելոնայի նավահանգստում առգրավել է գրեթե 1,7 տոննա կոկաին, որը բեռների հետ բերել են Կոլումբիայից։ Այս մասին հայտնում է ՏԱՍՍ գործակալությունը։ Թմրանյութը հայտնաբերվել է հուլիսի 30-ին։
Ըստ EFE գործակալության տեղեկատվության՝ այն թաքնված է եղել շաքարավազի պարկերի արանքում՝ կոնտեյների մեջ, որը գտնվել է Կոլումբիայից ժամանած նավում:
Իսպանացի իրավապահները հետաքննությունն են անցկացրել Կոլումբիայի ազգային ոստիկանության հետ համագործակցությամբ։
Գործողության ընթացքում ձերբակալությունների մասին առայժմ չի հաղորդվել:
