Բայդենի տարօրինակ խորհուրդը՝ 12-ամյա աղջկան․ CTV News
ԱՄՆ նախագահ Ջո Բայդենը լրագրող Ալսու Կուրմաշևայի դստերը խորհուրդ է տվել լուրջ հարաբերություններ չսկսել մինչև 30 տարեկան տղաների հետ. ըստ shantnews-ի՝ համապատասխան տեսանյութը Սպիտակ տնից հրապարակել է CTV News-ը։
Հինգշաբթի օրը ԱՄՆ քաղաքացիներ Ալսու Կուրմաշևան, Էվան Գերշկովիչը, Փոլ Ուելանը և ԱՄՆ մշտական բնակիչ Վլադիմիր Կարա-Մուրզան ժամանել են Վաշինգտոն՝ Ռուսաստանի հետ կնքված փոխանակման շրջանակներում։ ՆԱՏՕ-ի մի շարք երկրներում կալանավորված և բանտարկված ութ ռուսներ վերադարձել են Մոսկվա։
Հրապարակված կադրերում երևում է, թե ինչպես փոխանակման շրջանակներում ազատ արձակված բանտարկյալների հետ հանդիպման ժամանակ Սպիտակ տան ղեկավարը դեպի իրեն է քաշել մի աղջկա, որը հաջորդ օրը պետք է դառնար 13 տարեկան և հավաքվածներին կոչ է արել շնորհավորել նրա ծննդյան օրը։
«Եվ հիշեք, ոչ մի լուրջ հարաբերություններ մինչև 30 տարեկան տղաների հետ»,- խորհուրդ է տվել ԱՄՆ նախագահը։
