ՄԱԳԱՏԷ-ին մտահոգում է միջուկային անվտանգությունը՝ Էներգոդարում էլեկտրաէներգիայի անջատումների պատճառով
Ռազմական հարվածների հետևանքով Էներգոդարում էլեկտրաէներգիայի ընդհատումները լրացուցիչ լարվածություն են ստեղծում Եվրոպայի ամենախոշոր՝ Զապորոժիեի ատոմակայանի աշխատակիցների համար՝ դրանով իսկ ազդելով միջուկային անվտանգության վրա։
Այս մասին հայտարարել է Ատոմային էներգիայի միջազգային գործակալության (ՄԱԳԱՏԷ) ղեկավար Ռաֆայել Գրոսին։Հայտարարության մեջ նշվում է, որ հուլիսի 17-ին իրականացված հարվածի հետևանքով Էներգոդարում դադարել են էլեկտրամատակարարումը և ջրամատակարարումը։ Այս մասին ահազանգել է ատոմակայանում տեղակայված ՄԱԳԱՏԷ-ի խումբը։ Վերջին շաբաթներին ևս ատոմակայանում եղել են էլեկտրական հոսանքի և ջրի մատակարարման դադարեցումներ։
«Նման միջադեպերն, անշուշտ, սաստկացնում են առանց այն էլ շատ լարված իրավիճակը Զապորոժիեի ատոմային էլեկտրակայանում աշխատող մարդկանց համար: Մենք կշարունակենք հետևել իրադրությանը: Անձնակազմի ընդհանուր առողջական վիճակն անհանգստություն է հարուցում, քանի որ դա նաև կարող է ազդել միջուկային անվտանգության վրա», – մեջբերված է Գրոսիի խոսքը հայտարարության մեջ։
Զապորոժիեի ատոմային էլեկտրակայանը Ռուսաստանի վերահսկողության տակ է անցել 2022 թ. մարտից՝ փետրվարին Ուկրաինայում ՌԴ ծավալած ռազմական գործողություններից կարճ ժամանակ անց։
