Իրաքի և Թուրքիայի սահմանին կկառուցվի 27 սահմանային ուղեկալ

Իրաքի ներքին գործերի նախարարությանը կից գործող սահմանապահ ուժերի հրամանատար Մուհամմադ ալ-Սիեդին հայտարարել է, որ Իրանի և Թուրքիայի սահմանների անվտանգությունն էլ ավելի բարելավելու նպատակով կգործարկվեն 8 փուլից բաղկացած ծրագրեր։ Նա մասնավորապես նշել է, որ Իրաքի սահմանային անվտանգությունը բարելավելու համար 8 փուլից 2-ը կանցկացվի Թուրքիայի, իսկ 6 փուլը՝ Իրանի հետ։ Այս մասին տեղեկացնում է ermenihaber.am-ը։

Նշենք, որ Իրաքը Թուրքիայի հետ ունի 362կմ դժվարանցանելի, լեռնային և խորդուբորդ տեղանքով սահման, որը տարվա գրեթե կեսը ծածկված է ձյունով։

Ըստ նրա՝ Թուրքիայի հետ սկսվել է երկփուլ ուսումնասիրություն։ Նախ սահմանայաին անվտնագությունն ապահովելու համար երկու կողմերի միջև կստեղծվի համատեղ համակարգվող կենտրոն, իսկ 2-րդ փուլով երկրների միջև կստեղծվեն սահմանային կետեր։

Սիեդին նշել է, որ հանձնարարականներ են տրվել, որպեսզի Թուրքիայի հետ Դոհուկ և Էրբիլ քաղաքների սահմանային գծում կառուցվեն մոտ 27 սահմանային ուղեկալ և հավելել է, որ լուրջ ջանքեր են գործադրվում, որպեսզի Իրաքի հետ սահմանին Թուրքիայի համար սպառնալիք հանդիսացող տարրեր չլինեն։