Ստամբուլում շուրջ 2.5 մլն գաղթական է ապրում
Թուրքիայում գլխավոր ընդդիմադիր ուժ համարվող քեմալականների «Ժողովրդահանրապետական կուսակցության» (ԺՀԿ-CHP) անդամ և Ստամբուլի քաղաքապետ Էքրեմ Իմամօղլուն տվյալներ է հրապարակել քաղաքում բնակվող միգրանտների վերաբերյալ: Այս մասին տեղեկացնում է ermenihaber.am-ը։
Նրա խոսքով՝ գաղթականների թիվը կազմում է շուրջ 2.5 մլն:
Թուրքիայի ներքին գործերի նախարարության համաձայն էլ՝ միգրանտների մեկ հինգերորդը՝ շուրջ 531.000-ը, սիրիացիներ են:
Նշվում է, որ 3.252 օտարերկրացի բնակվում է միջազգային պաշտպանության շրջանակներում, իսկ 553.153-ն ունեն ժամանակավոր բնակություն հաստատելու թույլտվություն:
