Քաղաքացին արգելափակվել է փոսի և ավտոմեքենայի միջնամասում. օգնության են հասել փրկարարները
Հունիսի 23-ին, ժամը 11։54-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գյումրի քաղաքի Մովսես Խորենացու փողոցում՝ ավտոտեխսպասարկման կետում, ավտոմեքենան ընկել է տրանսպորտային միջոցի վերանորոգման համար նախատեսված փոսը, քաղաքացին արգելափակվել է փոսի և ավտոմեքենայի միջնամասում: Հայտնում են ՀՀ ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ ավտոմեքենան մասամբ անջատվել է ֆիքսված ամրաններից, ինչի արդյունքում քաղաքացին արգելափակվել է ավտոմեքենայի և պատի միջնամասում։
Փրկարարները հատուկ տեխնիկայի կիրառմամբ արգելափակումից դուրս են բերել քաղաքացուն և մոտեցրել շտապօգնության ավտոմեքենային․ տուժածը հոսպիտալացվել է բժշկական կենտրոն։
