Իրանն ու Ռուսաստանը քննարկել են Ռեշտ-Աստարա երկաթուղու նախագծի առաջխաղացումը
Իրանի ճանապարհների և քաղաքաշինության նախարար Միհրդատ Բազրփաշն ընդունել է ՌԴ նախագահի օգնական Իգոր Լևիտինին և ՌԴ Պետդումայի միջազգային հարաբերությունների հանձնաժողովի նախագահ Լեոնիդ Սլուցկիին՝ նպատակ ունենալով ծանոթանալ Հյուսիս-Հարավ միջազգային տրանսպորտային միջանցքի, տրանսպորտային բազմակողմանի համաձայնագրերի և Ռեշտ-Աստարա երկաթուղային նախագծի իրականացման գործընթացի ներկայիս իրավիճակին, հայտնում է Mehr-ը։
Կողմերը նշել են տարանցման զարգացման և Իրանի տարածքով տարանցման ծավալների ավելացման մասին։
Քննարկվել է նաև Ռեշտ-Աստարա 164 կմ-անոց երկաթուղու նախագծի կառուցմամբ Հյուսիս-Հարավ միջանցքի շինարարությունն ավարտելու հարցը։
Այս հանդիպմանը կողմերն ընդգծել են երկկողմ համագործակցության բարելավման և բազմակողմ տրանսպորտային համաձայնագրերի իրագործման կարևորությունը՝ Հյուսիս-Հարավ միջանցքով տարանցումը մեծացնելու համար։
Նրանք նաև կոչ են արել համագործակցել Իրանի և Ռուսաստանի միջև երկաթգծերի զարգացման ոլորտում՝ երկու երկրների միջև բեռնափոխադրումներն ավելացնելու համար։
