Շվեյցարիայում Արմեն Գրիգորյանը Սալիվանի հետ քննարկել է հայ-ամերիկյան համագործակցությունն անվտանգության ոլորտում
Հունիսի 16-ին Շվեյցարիայի Համադաշնություն կատարած աշխատանքային այցի ընթացքում ՀՀ ԱԽ քարտուղար Արմեն Գրիգորյանը հանդիպել է ԱՄՆ նախագահի Ազգային անվտանգության հարցերով խորհրդական Ջեյք Սալիվանի հետ: Հայտնում են ՀՀ ԱԽ գրասենյակից:
Կողմերը քննարկել են հայ-ամերիկյան համագործակցությունն անվտանգության ոլորտում և անդրադարձել ԱՄՆ-ի աջակցությանը Հայաստանի պաշտպանական և անվտանգային կարողությունների, ինչպես նաև դիմակայունության բարձրացման հարցերում:
Հանդիպմանը քննարկվել են նաև օրակարգային այլ հարցեր:
