Իսրայելի բանակը Լիբանանից մոտ 160 արկերի արձակում է արձանագրել
Իսրայելցի զինվորականները հայտարարել են երկրի հյուսիսային շրջանների ուղղությամբ զանգվածային գրոհի մասին։ Հնչել են օդային տագնապի ազդանշաններ։
Իսրայելի պաշտպանության բանակը (ԻՊԲ) նախ հաղորդել է առավոտյան Լիբանանի տարածքից մոտ 90 արկի արձակման մասին։ Դրանց մի մասը կալանել են հակաօդային պաշտպանության ուժերը, որոշ արկեր էլ ընկել են Իսրայելի հյուսիսի մի շարք շրջաններում։
Հրթիռակոծության հետևանքով որոշ շրջաններում հրդեհներ են բռնկվել։
Այնուհետև ԻՊԲ-ն հաղորդել է ևս 70 արկի արձակման մասին։ Ըստ Telegram-ում գերատեսչության տարածած հաղորդագրության՝ Լիբանանից արձակված արկերի մի մասը խոցվել է, դրանցից շատերն ընկել են բաց տարածքներում, սակայն մի քանիսն ընկել են հյուսիսային Իսրայելի տարբեր տարածքներում։ Վիրավորներ չկան։ Մանրամասները ճշտվում են։
ԻՊԲ-ն հավելում է, որ Իսրայելի ռազմաօդային ուժերը հարվածել են արձակման կայանքին, որն առավոտյան ժամը 10։00-ին արկեր էր արձակել Իսրայելի հյուսիսի ուղղությամբ։
