Մակրոնը հայտարարել է Ազգային ժողովը ցրելու և արտահերթ ընտրություններ նշանակելու մասին
Ֆրանսիայի նախագահ Էմանուել Մակրոնը որոշել է ցրել Ազգային ժողովը (Ֆրանսիայի խորհրդարանի ստորին պալատը) և արտահերթ ընտրություններ անցկացնել։
ՏԱՍՍ լրատվական գործակալության փոխանցմամբ՝ Ֆրանսիայի նախագահն իր հեռուստաուղերձում ասել է.
«Ֆրանսիային անհրաժեշտ է հստակ խորհրդարանական մեծամասնություն, որպեսզի գործի հանգիստ և ներդաշնակ։ Առաջին փուլը տեղի կունենա հունիսի 30-ին, իսկ երկրորդ փուլը՝ հուլիսի 7-ին»։
Վերջին անգամ խորհրդարանի ստորին պալատը արձակել է նախագահ Ժակ Շիրակը 1997 թվականին։
