Սննդաբանը նշել է առավոտյան ամենաառողջարար ըմպելիքը
Առավոտյան առողջարար ըմպելիքների ցանկը գլխավորում է ջուրը, ասել է սննդաբան, ալերգոլոգ-իմունոլոգ Ելենա Պարեցկայան։
Նա խորհուրդ է տվել երկու ըմպելիք, որոնք կօգնեն առույգանալ։ Պարեցկայան նշել է, որ սուրճը կարելի է փոխարինել ճարճատուկով ըմպելիքով։ «Ճարճատուկով ըմպելիքը շատ ավելի առողջարար է, այն չի պարունակում կոֆեին, ունի միզամուղ ազդեցություն, օրգանիզմին ապահովում է առողջարար վիտամիններով և հանքանյութերով:
Այն օգնում է ազատվել անհանգստությունից, կարգավորում է նյութափոխանակությունը, նվազեցնում է արյան մեջ շաքարի մակարդակը, ինչը հատկապես օգտակար է դիաբետով հիվանդների համար»,- ասել է նա՝ հավելելով, որ ճարճատուկը կարելի է խմել կաթով կամ առանց կաթի, օշարակի կամ շաքարի հետ։
Բացի այդ, էներգիա կարող է հաղորդել կակաոն: Այս ըմպելիքը պարունակում է բնական հակաօքսիդանտներ՝ նյութեր, որոնք նպաստում են սերոտոնինի՝ հաճույքի հորմոնի, ինչպես նաև կալցիումի, մագնեզիումի, ֆոսֆորի և երկաթի առաջացմանը։ Կարևոր է օգտագործել ոչ թե հատիկավոր կակաո՝ շաքարով և հավելումներով, այլ փոշի, որը պետք է կրակի վրա եփել՝ կաթ կամ ջուր ավելացնելով, պարզաբանել է նա։
