«Թեհրան-հյուսիս» մայրուղին Հյուսիս-Հարավ տրանսպորտային հանգույցի մաս է դիտարկվում․ Վարդան Ոսկանյան
Իրանագետ Վարդան Ոսկանյանը տելեգրամյան իր ալիքում գրել է․
«Իրանական ճանապարհաշինական գլուխգործոցներից է «Թեհրան-հյուսիս»՝ Թեհրանից դեպի Կասպից ծով ձգվող մայրուղին իր բարձր լեռնային թունելների և կամուրջների բացառիկ շղթայով, որն անցնում է ավելի բարդ լեռնային տեղանքով, քան Հայաստանի Սյունիքի մարզն է։
Լոսանկարում այս մայրուղու 23-րդ թունելն է, իսկ դրանցից ամենանշանակալին՝ 6400 մետր, գտնվում է 2400 մետր բարձրության վրա և համարվում է Մերձավոր Արևելքում ամենաերկարը։
Ընդ որում, թունելները և կամուրջները զուգահեռ կառուցվել են առանձնացված երկկողմանի երկգիծ երթևեկության համար, այսինքն՝ լուսանկարի թունելը իրականում ոչ թե 23-րդն է, այլ 46-րդը։
Չես կարող հարգանքով չլցվել Իրանի հանդեպ՝ անցնելով թունելների և կամուրջների այս հսկայական շղթայով, որն ի դեպ Հյուսիս-Հարավ տրանսպորտային հանգույցի մաս է դիտարկվում»։
