Հայաստան-Թուրքիա սահմանն առանձնանում է թռչունների բազմազանությամբ
Թուրքիա-Հայաստան սահմանին` Արաքս գետի տարածքում գոյացած ճահիճներում, ապրում են բազմաթիվ թռչուններ։ Այս մասին տեղեկացնում է ermenihaber.am-ը։
Թուրքիայի արևելյան հատվածում գտնվող Իգդիր քաղաքը, որը սահմանակից է Հայաստանին, Նախիջևանին և Իրանին, ուշադրություն է գրավում ճահճային տարածքներում բնակվող թռչունների հարուստ բազմազանությամբ։ Սահմանային գծի և ռազմական գոտու պատճառով այդ տարածքում մարդկանց շարժ չկա, մարդկային գործոնը բացակայում է և դա նպաստում այդ տարածքներում չվող թռչունների բազմազանությանը։
Հայաստանին սահմանամերձ ճահճային տարածքներում մինչ օրս կատարված ուսումնասիրությունների արդյունքում հայտնաբերվել է 300-ից ավելի թռչնատեսակ։
Նշվում է, որ այդ տարածքում աշխատանքներ են տարվում Իգդիրի բնության պահպանության և ազգային արգելոցների տնօրինության, Իգդիրի համալսարանի, «KuzeyDoğa» ասոցացիայի և թռչնաբանների կողմից։ Թռչնաբանները նշում են որ Արաքս գետով ձևավորված սահմանագծի շրջակայքում ապրում է ավելի քան 100 տեսակի թռչուն և այդ թիվը կամաց-կամաց կարող է ավելանալ։
