Հրաձգության հավաքականի անդամները կմասնակցեն աշխարհի գավաթին
![](https://168.am/wp-content/uploads/2024/05/1137698.jpg)
Հայաստանի հրաձգության հավաքականի անդամները կմասնակցեն աշխարհի գավաթի խաղարկությանը:
Այս մասին հայտնում է Հայաստանի հրաձգության ֆեդերացիան:
Գերմանիայի Մյունխեն քաղաքում մայիսի 31-ից հունիսի 8-ը կկայանա աշխարհի գավաթի խաղարկության հերթական փուլը։ Մրցաշարը հատկանշական է նրանով, որ մարզիկները կարող են վարկանիշային միավորներ հավաքել միջազգային ֆեդերացիայում։
Հայաստանի հրաձգության հավաքական թիմից մրցմանը կմասնակցեն Բենիկ Խլղաթյանը և Էլմիրա Կարապետյանը։ Մարզիկները մրցավայր կմեկնեն հավաքականի գլխավոր մարզիչ Սեյրան Նիկողոսյանի գլխավորությամբ։