Շոլցը հայտարարել է Գերմանիայի կանցլերի պաշտոնում մնալու իր ցանկության մասին
Գերմանիայի կանցլեր Օլաֆ Շոլցը Stern հրատարակությանը տված հարցազրույցում հայտարարել է, որ կցանկանար պահպանել կառավարության ղեկավարի պաշտոնը 2025 թ. ընտրություններից հետո:
«Ես կցանկանայի դաշնային կանցլեր մնալ նաև 2025 թվականի աշնանից հետո», – ասել է Շոլցը։
Բացի այդ, նա վստահություն է հայտնել, որ իշխող կոալիցիան առաջիկա ամիսներին չի ցրվի՝ չնայած դրա ներսում առկա տարաձայնություններին։
Շոլցը կանցլեր է դարձել 2021 թ. ընտրությունների արդյունքներով, երբ նրա Գերմանիայի սոցիալ-դեմոկրատական կուսակցությունը կոալիցիա կազմեց «Կանաչների» և «Ազատ դեմոկրատական կուսակցության» հետ:
