Իսրայելի պաշտպանության բանակը հայտարարել է, որ գնդակոծել է Գազայում գտնվող «Իսլամական ջիհադ» հրամանատարական կենտրոնը
Իսրայելցի զինվորականները գնդակոծել են պաղեստինյան արմատական «Իսլամական ջիհադ» խմբավորման հրամանատարական կենտրոնը, կիրակի հայտնել է Իսրայելի պաշտպանության բանակի մամուլի ծառայությունը։
«Քիչ առաջ Իսրայելի պաշտպանության անօդաչու թռչող սարքը հարձակվել է «Իսլամական ջիհադ» ահաբեկչական կազմակերպության հրամանատարական կենտրոնի վրա, որը գտնվում է Ալ-Աքսա հիվանդանոցի բակում», – հայտնել է մամուլի ծառայությունը՝ հավելելով, որ այդ պահին այնտեղ են եղել այդ խմբավորման արմատականները։
Զինվորականների խոսքով՝ հաստատության վրա ճշգրիտ հարված է հասցվել՝ խաղաղ բնակիչներին և հիվանդանոցին վնաս չհասցնելու համար։ Նշվում է, որ հիվանդանոցը շարունակում է բնականոն աշխատանքը։
