Էրդողանը մայիսի 9-ին կայցելի ԱՄՆ․ A-Haber
Թուրքիայի նախագահ Ռեջեփ Էրդողանը մայիսի 9-ին կայցելի ԱՄՆ, հայտնում է թուրքական A-Haber հեռուստաընկերությունը՝ վկայակոչելով իր աղբյուրները։
Լրատվամիջոցի փոխանցմամբ, այսօր Անկարա են ժամանել ԱՄՆ Կոնգրեսի Ներկայացուցիչների պալատի մի խումբ օրենսդիրներ՝ Թուքիայի իշխանությունների հետ քննարկելու երկկողմ և տարածաշրջանային օրակարգին վերաբերող հարցեր, նախատեսված է հանդիպում պաշտպանության նախարար Յաշար Գյուլերի, Ազգային հետախուզական կազմակերպության ղեկավար Իբրահիմ Քալընի հետ։
Աղբյուրի համաձայն, թուրք-ամերիկյան բանակցությունների օրակագարի գլխավոր հարցերից է F-16 կործանիչների մատակարարումը, դրանց արդիականացումը։
