Վարսեն Աղաբեկյանը նշանակվել է Պաղեստինի արտաքին գործերի և արտագաղթի հարցերով պետնախարար
Հայազգի Վարսեն Աղաբեկյանը Պաղեստինի նոր կառավարության կազմում նշականվել է արտաքին գործերի և արտագաղթի հարցերով պետնախարար: Այս մասին հայտնում է wafa.ps կայքը:
Նշվում է, որ Պաղեստինի նախագահ Մահմուդ Աբասը հրամանագով ներկայացվել է երկրի 19–րդ կառավարությունը` բաղկացած 23 գերտեսչության ղեկավարներից։
Նոր կառավարությունը նախագահի առջև երդվելու է մարտի 31-ին։
Նորաստեղծ կառավարության քաղաքական կողմնորոշումը հիմնված է Պաղեստինի ազատագրման կազմակերպության, նրա միջազգային պարտավորությունների և նախագահ Մահմուդ Աբասի կողմից կառավարությանը ուղղված նշանակման նամակի վրա:
Կառավարության ծրագիրը առաջնահերթություն է տալիս հումանիտար խնդիրներին` ներառյալ Գազայի հատվածում պաղեստինյան ժողովրդին մարդասիրական և անհապաղ օգնության համապարփակ ծրագրին:
