«Հիմա այս ի՞նչ եք դարձրել մեր երկիրը»․ Վարդան Ոսկանյան
Վարդան Ոսկանյանը ֆեյսբուքյան իր էջում գրում է․ «Ուշ ժամ է։ Դեղատնից «Կոլդրեքս» եմ գնում։ Ներս մտավ մի 20-25 տարեկան երիտասարդ և տարօրինակ վախվորած հայացք նետելով, կանգնեց անկյունում։
Դե, ես 90-ականների երիտասարդության սերնդից եմ։ Մտածեցի՝ երիտասարդ է, հավանաբար պահպանակ է ուզում վերցնել, ես էլ՝ սպիտակ մազերով «պատկառելի հոպար», քաշվում է երևի։
Արագ վերցրեցի դեղը, որ «չխանգարեմ»։ Մեկ էլ՝ դռան մոտ չհասած, ականջիս դիպավ դեղատան աշխատողին ուղղված կիսաշշուկով ձայնը՝ «ախպե՛րս, իրեք հատ պիպետկա տու՛»։
Միշտ մտածել եմ, որ Հայաստանում զավակ մեծացնելն ունի շատ առավելություններ, որոնցից մեկը թմրամոլության ցածր վտանգն է։
Հիմա այս ի՞նչ եք դարձրել մեր երկիրը»։
