Նշվել է քաշը կորցնելու դեղամիջոցի բնական փոխարինող միջոց
Խնձորի քացախի ամենօրյա չափաբաժինը կարող է աշխատել որպես բնական միջոց քաշի կորստի և շաքարախտի բուժման համար, ասում է կենսաբժշկական հետազոտությունների ուսուցիչ Դարշնա Յագնիկը: Նրա խոսքերը, ըստ shantnews-ի՝ մեջբերում է Daily Mail-ը։
Յագնիկը խնձորի քացախն անվանել է աստղերի շրջանում տարածված Ozempic դեղամիջոցի և դրա անալոգների բնական փոխարինիչ նիհարության համար պայքարում: Իր պնդումները հաստատելու համար նա մեջբերել է վերջերս կատարած ուսումնասիրությունը, որտեղ ավելորդ քաշ ունեցող և գեր մարդկանց տրվել էր կամ խնձորի քացախ, կամ պլացեբո՝ առավոտյան ուտելուց առաջ:
Փորձի արդյունքները ցույց են տվել, որ քացախ ստացող խումբը հաջողությամբ նիհարել է։ Ավելին, նրանք, ովքեր օրական 15 միլիլիտր են ընդունել, 12 շաբաթվա ընթացքում նիհարել են մինչև ութ կիլոգրամ։
Նմանատիպ ազդեցություն խնձորի քացախի ընդունումից, ըստ Յագնիկի, ձեռք է բերվում քացախաթթվի շնորհիվ, որը բարձրացնում է արյան մեջ ացետատի մակարդակը, ինչը նպաստում է ճարպաթթուների քայքայմանը և կանխում նորերի կլանումը: Սա, իր հերթին, արագացնում է ճարպային նյութափոխանակությունը և հանգեցնում քաշի կորստի, բացատրել է նա:
Փորձագետը նաև ասել է, որ հետազոտության բոլոր մասնակիցների մոտ, ովքեր խնձորի քացախ են ընդունել, նկատվել են արյան շաքարի և խոլեստերինի մակարդակի նվազում, ինչը շաքարախտի լավագույն կանխարգելումն է։ Սակայն այս մթերքը որպես դեղամիջոց օգտագործելուց առաջ Յագնիկը խորհուրդ է տվել խորհրդակցել բժշկի հետ։
