«Բաքվում Ստոլտենբերգը նման բան իրեն թույլ չի տալիս ասել, որովհետև անմիջապես պատասխան կստանար, իսկ Երևանին գուժում է Կիևի, Խարկովի, Օդեսսայի ճակատագիրը»
Վահե Հովհաննիսյանը տելեգրամյան իր ալիքում գրում է. «Երբ Ստոլտենբերգը Երևանում ասում է՝ «ողջունում եմ Ձեր համերաշխությունը Ուկրաինայի հետ», նկատի ունի, որ ողջունում է մեր և Ուկրաինայի համերաշխ ճակատագրերը։
Բաքվում նա նման բան իրեն թույլ չի տալիս ասել, որովհետև անմիջապես պատասխան կստանար։ Իսկ Երևանին գուժում է Կիևի, Խարկովի, Օդեսսայի ճակատագիրը։
Կա մի ճանապարհ՝ դա թույլ չտալու. պարզապես պետք է տեր կանգնել երկրին։ Մեր երկրին պետք է դեէսկալացիա՝ երկրի սահմաններին և երկրի ներսում»։
