2024թ. Անթալիա մեկնող գերմանացիների թիվը կարող է հասնել 4 միլիոնի
Թուրքիայի «Միջերկրական ծովի զբոսաշրջային հյուրանոցատերերի և գործարարների միության» նախագահ Քաան Քավալօղլուն անդրադարձել է Անթալիա մեկնող օտարերկրացի զբոսաշրջիկներին: Այս մասին տեղեկացնում է ermenihaber.am-ը։
Նա ընդգծել է, որ առաջին անգամ մեծ թիվ են կազմում Գերմանիայի քաղաքացիների կողմից Անթալիա կատարելիք այցելությունների վաղ ամրագրումները: Դրանք 1.5 միլիոնի են հասնում:
«Այս տարի ծրագրում ենք Անթալիայում հյուրընկալել 4 մլն գերմանացի տուրիստի»,-ասել է Քավալօղլուն:
Բացի այդ նա նշել է, որ Անթալիա մեկնող գերմանացի զբոսաշրջիկների թիվը 2024-ին կարող է գերազանցել ռուս զբոսաշրջիկների թիվը։
