Բաքվի և Թեհրանի հարաբերություններում նոր էջ է բացվել․ Իրանի ԱԳ նախարար

Բաքվի և Թեհրանի հարաբերություններում նոր էջ է բացվել. այս մասին Ադրբեջանի արտգործնախարար Ջեյհուն Բայրամովի հետ հանդիպման ժամանակ հայտարարել է Իրանի արտգործնախարար Հոսեյն Ամիր Աբդոլլահիանը։

IRNA գործակալության փոխանցմամբ՝ նա շեշտել է, որ «երկու երկրների համար բացվում են փոխշահավետ համագործակցության մեծ հնարավորություններ»։

Թե ինչ համագործակցության մասին է խոսքը, գործակալությունը չի մանրամասնում։

Ադրբեջանական լրատվամիջոցները հաղորդում են, որ երկու երկրների արտաքին քաղաքական գերատեսչությունների ղեկավարները պայմանավորվել են նաև քայլեր ձեռնարկել Թեհրանում ադրբեջանական դեսպանատան աշխատանքը վերականգնելու շուրջ։