47-ամյա Արմեն Ա.-ն հետախուզվում էր թմրամիջոցներ իրացնելու և ապօրինի զենք կրելու մեղադրանքով
ՆԳՆ ոստիկանության Կապանի բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ փետրվարի 8-ին Երևան քաղաքի Հրաչյա Քոչարի փողոցում հայտնաբերվել և Կապանի բաժին է տեղափոխվել 47-ամյա Արմեն Ա.-ն: Նա 2023 թ. օգոստոսի 2-ից Կապանի բաժնի կողմից հետախուզվում էր ՀՀ քրեական օրենսգրքի 393-րդ (Թմրամիջոցների, հոգեմետ (հոգեներգործուն) նյութերի, դրանց պատրաստուկների կամ դրանց համարժեք նյութերի (անալոգի) կամ դրանց ածանցյալների ապօրինի շրջանառությունն իրացնելու նպատակով կամ դրանք ապօրինի իրացնելը) և 334-րդ (Ապօրինի կերպով քաղաքացիական ողորկափող հրազեն, գազային, օդաճնշիչ, սառը կամ նետողական զենք կրելը) հոդվածների մեղադրանքով:
Խափանման միջոցը՝ կալանք:
