Թուրքիան և Ռուսաստանը մտադիր են համատեղ բանկ հիմնել
Ռուսաստանի նախագահ Վլադիմիր Պուտինի խոսնակ Դմիտրի Պեսկովը խոսել է առաջիկայում Պուտինի և Թուրքիայի նախագահ Ռեջեփ Թայիփ Էրդողանի միջև տեղի ունենալիք հանդիպման մասին: Այս մասին տեղեկացնում է ermenihaber.am-ը։
Նա նշել է, որ Պուտինի Թուրքիա այցի ընթացքում պլանավորվում են քննարկումներ գազային հաբի ստեղծման շուրջ:
«Քննարկվելու են նաև այնպիսի հարցեր, ինչպիսին է երկու երկրի միջև համատեղ բանկ հիմնելու հարցը»,-հավելել է նա:
Բացի այդ, Պեսկովն ընդգծել է, որ Թուրքիան Ռուսաստանի համար կարևոր գործընկեր է առևտրի և տնտեսության ոլորտներում:
«Այդ հարաբերությունների բոլոր մանրամասները լինելու են օրակարգում»,-ամփոփել է ռուս պաշտոնյան:
Հիշեցնենք, որ հանդիպումը նախնական տվյալներով՝ տեղի է ունենալու Անկարայում՝ փետրվարի 12-ին:
