Ալեն Սիմոնյանի եղբոր կնոջը կալանավորելու միջնորդություն է ներկայացվել. ՔԿ-ն տեղեկատվություն չի տրամադրում
Երեկ հայտնի դարձավ, որ Էկոնոմիկայի նախարարության աշխատակիցների ու փոխնախարար Անի Իսպիրյանի ձերբակալության քրեական վարույթի հետ կապված` ձերբակալվել է նաև ՀՀ Ազգային ժողովի (ԱԺ) նախագահ Ալեն Սիմոնյանի եղբոր կինը` Անի Գևորգյանը։
168.am-ին հայտնի դարձավ, որ նախաքննական մարմինը նրան կալանավորելու միջնորդություն է ներկայացրել դատարան։
Քննչական կոմիտեի նախագահի մամլո խոսնակ Գոռ Աբրահամյանն, ի պատասխան մեր հարցի, ասաց` նախաքննության շահերից ելնելով` հիմա տեղեկատվություն չի տրամադրվում։
