Հրաձիգները կմասնակցեն Կահիրեում կայանալիք աշխարհի գավաթի խաղարկությանը
Հայաստանի հրաձգության հավաքականը հունվարի 24-ից փետրվարի 1-ը Եգիպտոսի մայրաքաղաք Կահիրեում կմասնակցի աշխարհի գավաթի խաղարկության առաջին փուլին։
Այս մասին հայտնում է հրաձգության ֆեդերացիան: Մրցաշարը հերթական նախապատրաստական փուլն է` հրաձգության Եվրոպայի վարկանիշային առաջնությանն ընդառաջ։
Հայաստանի հավաքականը կներկայանա հետևյալ կազմով` ատրճանակ մրցաձև՝ Բենիկ Խլղաթյան, Գևորգ Մելքոնյան, Էլմիրա Կարապետյան, Նարե Գաբրիելյան և հրացան մրցաձև՝ Հրաչ Բաբայան: Հավաքականի մարզիչը կլինի` Անդրանիկ Այվազյանը:
Ավելի վաղ Հայաստանի հրաձգության հավաքականը մասնակցել էր Սլովենիայի միջազգային մրցաշարին, որտեղ մեդալ էր նվաճել թե անհատական պայքարում, թե թիմայի հաշվարկում:
