Փրկարարները Սյունիքում արգելափակումից դուրս են բերել կցորդիչով բեռնատարը
Սյունիքի մարզային փրկարարական վարչության ճգնաժամային կառավարման կենտրոն հունվարի 13-ին, ժամը 10։34-ին տեղեկություն է ստացվել, որ Գորիս-Սիսիան ավտոճանապարհի 20-րդ կմ-ին կցորդիչով բեռնատարն արգելափակվել է ձյան մեջ:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի Շինուհայրի հենակետից մեկ մարտական հաշվարկ:
Ինչպես տեղեկանում ենք ՆԳՆ փրկարարական կենտրոնից՝ փրկարարները քարշակման եղանակով արգելափակումից դուրս են բերել «Iveco» մակնիշի կցորդիչով բեռնատարը:
