Իսրայելի պատվիրակությունը Կահիրեում եգիպտական կողմի հետ քննարկել է ՀԱՄԱՍ-ի հետ հնարավոր գործարքը
Իսրայելի պատվիրակությունն այցելել է Կահիրե՝ եգիպտական կողմի հետ քննարկելու պաղեստինյան ՀԱՄԱՍ շարժման հետ հնարավոր համաձայնագրի պայմանները Գազայի հատվածում նոր զինադադարի վերաբերյալ։
Ըստ թերթի աղբյուրների՝ այցը տեղի է ունեցել անցյալ շաբաթ և համընկել ՀԱՄԱՍ-ի ներկայացուցիչների՝ Եգիպտոսի մայրաքաղաք կատարած այցի հետ։ Պատվիրակության կազմում ընդգրկված է եղել Իսրայելի կառավարությունում անհետ կորածների և պատանդների գործով պատասխանատու պաշտոնյան։ «Պատվիրակության խնդիրն էր ուշադիր ուսումնասիրել ՀԱՄԱՍ-ի դիրքորոշումն առաջարկվող զինադադարի պայմանների՝ ներառյալ գերիների փոխանակման գործարքի վերաբերյալ», – գրել է թերթը։
Ըստ թերթի տեղեկատվության՝ եգիպտական առաջարկը, որը ենթադրում է բանակցությունների երկու փուլ, կտրականապես չի մերժվել ՀԱՄԱՍ-ի կողմից, քանի որ այն ներառում է երկու հիմնական սկզբունք, որոնց կողմնակից է շարժումը, այն է՝ բանակցություններից հրաժարում ռազմական գործողությունների ժամանակ և համապարփակ հրադադար` Գազայի հատվածից Իսրայելի զորքերի հետագա դուրսբերմամբ:
