Ադրբեջանի պաշտպանության նախարարը ևս աշխատանքային այցով Չինաստանում է
Ադրբեջանի Հանրապետության պաշտպանության նախարար, գեներալ-գնդապետ Զաքիր Հասանովն աշխատանքային այցով գտնվում է Չինաստանի Ժողովրդական Հանրապետությունում ՝ մասնակցելու Պեկինի Սյանշանի 10-րդ համաժողովին:
Այս մասին հայտնում են ադրբեջանական լրատվականները:
Սյանշանի անվտանգության 10-րդ համաժողովն այս տարի կանցկացվի հոկտեմբերի 29-31-ը։
Դրան կմասնակցեն պաշտոնական պատվիրակություններ ավելի քան 90 երկրներից, այդ թվում՝ Մեծ Բրիտանիայից, Իրանից, Ռուսաստանից, Սաուդյան Արաբիայից և ԱՄՆ-ից։
ՀԻշեցնենք, որ ՀՀ ՊՆ-ից հայտնել էին, որ այսօր ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Չինաստանի Ժողովրդական Հանրապետություն:
